په بلوچئين گوهاران
او منی گوهار ، او منی گوهار !
چمان وتی پچ کن بچار
بشکُن وتی براتء توار
نئيست اِنت منا بازئين کرار
او منی گوهار ، او منی گوهار!
پرچا تو هستئی بئ توار
بيا منی گوهار، بوشت منی کنار
جاه تئی نه انت بس مان دوار!
او منی گوهار ، او منی گوهار !
در بو چا ائی لونجئين تهار
دئيما وتی دستان شهار
حقاّان وتی پجاه بيار!
او منی گوهار ، او منی گوهار!
پرچا گرئيوئی زار و زار
تئی دل، من زانان نئيست تلار
بلئی ائی بوت نکنت اِنت تئی سِزار
من الّمان او منی گوهار
دگنيا نبيت اِنت يک کرار
بل بازئين وتی لج و ميار
بيا بوشت گون مردان يک کتار!
او منی گوهار ، او منی گوهار!
بيا که کنئين گون هم کرار
پادآ ! کنئين سلّ رسمَ ءا گار
پچ کنئين راهِ ائی پا آ نوکئين ديار
او منی گوهار ، او منی گوهار!
شستونِ ء تواران گوش بدار
استونَ جنت اِنت يک کرار
تان کد بنندئين اِنتظار؟!
ر - شستونی – نوامبر 1989 ( آبان 1368)