واشنگٹن ڈی سی ءَ یو این پی او ءِ وفد ءِ بلوچستان ءَ انسانی ہکانی جاورہال ءُ بلوچی شنگکاری ءِ سرا گپ ءُ تران۔

جولائی 2016ءَ یو این پی او ءِ صدر ءُ بلوچستان پیپلز پارٹیءِ نمائندہ واجہ ناصر بلیدئیءَ یو این پی اوءِ نمائندہ واجہ ماروین کُمیتات ءِ ہمراہیءَ واشنگٹن ڈی سی ءِ ترءُ تاب کت۔ اے سوبمندیں ترءُ تاب ءَ گوں گچینی مردماں گندءُ نند ءُ آہان ءَ ایران ءُ پاکستان ءِ مرزانی بلوچستان ءِ تہا انسانی ہکانی جاورءِ سرا سرپدی دئیگ ءُ چہ وائیس آف امریکہ ءِ نیمگا بلوچی زبان ءِ شنگکاری ءِ کاراں گوں پارلیمنٹ ءِ مردماں دیما بَرگ بوت انت۔
جولائی 2016ءَ یو این پی او ءِ صدر ءُ بلوچستان پیپلز پارٹیءِ نمائندہ واجہ ناصر بلیدئیءَ یو این پی اوءِ نمائندہ واجہ ماروین کُمیتات ءِ ہمراہیءَ واشنگٹن ڈی سی ءِ ترءُ تاب کت۔ اے سوبمندیں ترءُ تاب ءَ گوں گچینی مردماں گندءُ نند ءُ آہان ءَ ایران ءُ پاکستان ءِ مرزانی بلوچستان ءِ تہا انسانی ہکانی جاورءِ سرا سرپدی دئیگ ءُ چہ وائیس آف امریکہ ءِ نیمگا بلوچی زبان ءِ شنگکاری ءِ کاراں گوں پارلیمنٹ ءِ مردماں دیما بَرگ بوت انت۔

وفد ءَ وتی پنچ روچی ترءُ تاب ءَ گوں امریکی کانگریسءُ سینیٹ ءِ باسکاں، اسٹیٹ ڈیپارٹمنٹ ءِ کارداراں، ءُ گوں بازیں تھنک ٹینکانی زانتکارءُ ایکسپرٹاں گندءُ نند کت۔ اے گند و نند گوں ہما امریکی پالیسی سازءُ کارداراں کہ بلوچ جہد ءِ پلہ مرز انت تعلقانی نوک کنگ ءِ شرّیں موہے ات۔ اے گندءُ نند پہ آوکیں وہداں گوں ڈی سیءِ بازیں سرکلاں وتی نزیکیانی دیما برگ ءِ جہدے ہم، دانکہ دیمترا گپءُ ہالءُ ہمکاریءِ گیشیں راہءُ دَر ودی کنگ بوت بکنت۔

وفدءِ اے رَندی ئیں ترءُ تاب مئی 2016ءُ نومبر 2015ءِ ایڈووکیسی میٹنگانی کَڑی یے کہ آہانی مَکسَد امریکی پالیسی سازءُ حکومتءِ کاردارانءَ 2015ءِ ایرانءِ نیکلئیر ڈیلءِ سرا گیش دلگوش کنگ اَت، خاص ہمے گپء سرا کہ اے ڈیلءِ تہا اقتصادی نپءُ سوت ءَ را ہما پدریں انسانی ہکانی لگتمالیءِ سرا ترجیح دیگ بوتہ ک تہرانءِ حاکم ماں ایرانءَ نندوکیں راجانی سرا کنگا اَنت اِش۔ ہما مہلونک کہ پارس نہ اَنت، ءُ بائد اِنت حکومتءَ وت حفاظت بکتیننت، دودمانی ءُ مذہبی تعصبءِ ہواریءَ، حکومت ہما راجءُ مہلونکانءَ تُرسءُ بیمءِ تہا دارگءِ واستا بے رحمی ءُ نارَہبندیں کار کنگا اِنت۔

چہ حکومتءِ نیمگا انسانی ہکانی اے پدّریں لگتمالیانی تہا پہ زورے مردمانی چِست کنگءُ بیگواہ کنگ، سزاءُ لٹءُ کُٹّ، غیر قانونی کُشگ ہوار اَنت۔ خاص بلوچ وَ بے گناہءُ میارءَ پاہو دیگ بوگا انت۔

انچو کہ ڈی سیءَ گوستگیں ایڈووکیسی میٹنگانی تہا بوتگ اَت، اے رَندی ہم دہشتگردیءِ جیڑہ چست کنگ بوت۔ وفدءَ یکرندے پدا اے گپءِ سرا بژن دَرشان کت کہ بلوچ ایرانءُ پاکستان، دوئیں جاگہاں دہشتگردیءِ ہلاپءَ انتہا پسندانی دیم دیما اوشتاتہءُ مقابلہ کنگا اِنت، ءُ بلوچ کہ چہ درہیں نیمگاں اَنگِرّان اِنت، دہشتگردیءِ ہلاپءَ اے جہدانءَ دیما برگءِ واستا چہ امریکی حکومتءَ کُمکءِ گیشتر ہَکدارءُ لوٹوک اِنت۔

بلوچستانءِ جیوپولیٹیکل ءُ اسٹریٹجک اہمیتءُ دمگءَ قدرتی وسائلانی آبدانی گوں ہمے چیزءَ نزیکءُ ہمگرنچ اَنت۔ وفدءَ گوں امریکی پالیسی سازاں اے نہ وشیں راستی ہم بیان کت کہ چہ بلوچستانءِ اے درہیں بے بہائیں خصوصیتاں، آ دمگءِ زوراکاں ناجائز فائدہ چست کتہ، ءُ اودءِ مردمانءَ سرزمینءِ پائدہاں شریدار کنگءِ بدلءَ، ہر ہما کسءَ را گُٹگیر کنگءُ کُشگءِ پالیسیءِ سرا کارءَ اَنت کہ آئیءِ تہا اے روچء رحمانیں دُزّیءِ ہلاپءَ گپ کنگءِ توکل ہست، ءُ اے دمگی زوراوَر سک ہوشیاریءِ سرا دمگءِ ڈیموگرافیءَ بدل کنان اَنت۔
وفدءَ اے گپءِ سرا زور دات کہ ایرانءُ پاکستانءَ را دیگ بووکیں مالی ءُ سیاسی کُمک بائد انت کہ گوں بلوچستانءِ انسانی ہکانی جاورہالءِ شَرتر کنگءَ بندوک کنگ بہ بنت۔

دگہ یک اہمیں جیڑہے کہ اشیءِ سرا وفدءَ گوں امریکی کانگریسءُ سینیٹءِ باسکاں گپءُ تران کت، بلوچی زبانءِ شنگکاریءِ فنڈنگ اَت۔ وفدءَ یک رندے پدا اے گپءِ سرا سک زور دات کہ بائد اِنت بلوچءَ را وتی جند ءِ زبان ءَ آزادیں میڈیایے ءَ دزرس بہ بیت۔ دنیگہ، ایرانءُ پاکستانءَ میڈیا سرجمیءَ سرکارءِ کنٹرول ءَ اِنتءُ آہانی سرا مذہبی فرقہ وارانہ بیانیہ یے اَنگِرّ اِنت کہ آئیءِ گپءُ مواد پہ جنگءُ جدلءَ سکین دیوک اَنت۔

بلوچ چہ ہرنیمگا ہمے میڈیاءِ شکار اَنت کہ شدت پسندیں لیکہءُ بے برداشتیں دود ءُ ہیالاں دیما آران اَنت۔ ماں وتی زبانءَ شنگکاری، بے شک بلوچء َ اے گ پءَ کُمک کنت کہ غیر جانبداریں ہالءُ جمہوری قدر بلوچءَ سر بہ بنت۔ وفدءَ امریکی پالیسی سازانی تہا بلوچی شنگکاریءِ رِدءَ تچکیں دیمروی یے کت، ءُ اے رِد ءَ کانگریس مین اسٹیو کنگز ءُ ڈانا روہرابیکرءِ مِنّت گپت کہ آْہاں اے رِدءَ مزنیں کُمکے کتہ۔

نمایش بیشتر

نوشته های مشابه

دکمه بازگشت به بالا
بستن