گلزمين ءِ راجی کماش واجه خيربخش مری نميران بوت

بلوچستان ءِ راجی کماش ءُ رهدربر واجه خيربخش مری دهم جون ماں کراچی ءَ نميران بوت ءُ بلوچاں وتي اے کلانيں رهدربر ءِ سوگ ءَ نشـت انت.

نميرانيں نواب خيربخش سال ۱۹۲۹ عيسايی ءَ ماں بلوچستان ءِ کوهلـو ءَ ودی بوت. سال ۱۹۵۰ عيسايی رند چه وتی گرانمهزبيں پت ءَ مری ٹک ءِ کماش ءُ سردار بوت. بلے دير نگوست که واجه خيربخش مری گوں بلوچستان ءِ آزاتی ءِ تــوارءِ برزکنگ ءَ درستيں راج ءِ کماش ءُ رهشون بوت.
واجه خيربخش گيش چه پنجاه سال چه وتی زندا په بلوچستان ءِ آزاتی ءُ وت مستری ( استقــلال ) جهد ءُ کوشست کرت. آ پاکستانی زوراکانی ديما اوشتات ءُ گوں دل ستکی ءُ ايمانداری بلوچستان ءِ آجويی ءِ بيرک ءَ برز کرت ءُ ماں اے راه ءَ زندان، درانڈيهی، دژمن ءِ وڑ وڑيں پنـدل ءُ ميـرهـزار بجارانی ءِ بے وپـايی آ بزرگ ءِ ديما داشت کت نه کرت. آ په بلوچانی بيـداری ءَ راجی سروکانی سرکاروان ات. آ مدام بلوچ راج ءَ گشت که شمــا وت بايدانــت وتا را چه گلامی ءُ ايردستـی ءَ به رکينيـت ءُ وتی ڈيــه ءَ آزات بکنيـت. واجه خيربخش ءُ آيی ءِ بے دروريں زنــد بلوچستــان ءِ راجدپتــرءِ مزن شانين بهـر انت.

اگاں چه واجه خيربخش چه اے دنياے ءَ سپــر کـت بلئــےبلـوچ مهلوک وتی رهدربرءِ کشک ءَ ديما برگ انت ءُ ديم په آجويی منزل ءَ کام جنان انت.

پروشــت ءُ پروش باتنــت ايران ءُ پاکستان
آزات ءُ آباد بات گنجيــــــں بلوچستــــــــان

محمـد کريم بلــوچ
بيست ءُ سئے کـــرّا ۷۰۱۴يازده جون ۲۰۱۴

نمایش بیشتر

نوشته های مشابه

دکمه بازگشت به بالا
بستن